محمود طاحون، مصمم المعارك في مسلسل “علي كلاي” اللي بطولته أحمد العوضي، على الكلام اللي انتشر إن العوضي كان بيستخدم دوبلير في مشاهد الخناقات وماتشات الملاكمة، خاصة إنه بيجسد دور ملاكم في الأحداث.
طاحون قال إن العوضي هو اللي نفّذ كل مشاهد الأكشن والمعارك بنفسه، ورفض تمامًا إن حد يعملها بداله.
وبخصوص موضوع إصابته أثناء التصوير، قال:
“ماكانش فيه أي إصابات للعوضي في مسلسل “علي كلاي”، الموضوع كان إجهاد عصبي جامد. في يوم لعبنا أربع ماتشات، وكنا جايبين مقاتلين حقيقيين أبطال بجد علشان يعملوا مشاهد القتال قدام أحمد”.
وأضاف:
“الإجهاد كان صعب جدًا، وسبحان الله العوضي قدر يكمل. فكرة إن يبقى فيه دوبلير بديل ليه مستحيلة بالنسبة له وهو رافضها خالص. وأنا بظبط له المشاهد على مقاسه، تبقى سهلة عليه بس صعبة على غيره”.
