الاعلامية يمنى شرّي تعتذر عبر الجديد وتصرخ نحنا بشر ، وتبكي … ؟!!

أطلت الاعلامية يُمنى شرّي عبر شاشة الجديد خلال تضامنها ومساندتها لحملة صامدون وفي حلقة خاصة للمغتربين في كندا ، وخلال تلقيها الاتصالات من أصحاب الايادي البيضاء والمحبين تحدثت يمنى عن موقف محرج جداً ومبكي ومؤسف للغاية خلال قيامها بواجبها الانساني تجاه أبناء بلدها ، لم تتمالك شري مشاعرها فذرفت دموعها على الهواء بكت وأبكت الملايين من المشاهدين ، وبعد هذا الكلام وهذه المأساة نسأل هل من إنسان ليس لديه قلب او احساس وقلبه ميت وبعيد عن الانسانية ليغض النظر عن الوقوف أمام كل أسرة متعففة ومساندتها ؟!! خاصة في ظل هذه الظروف الصعبة ..  ونشرت يمنى إعتذاراً وكلمات مؤثرة تقول : بعتذر،،الناس عرفتنا للفرح والابتسامة الحلوة والأمل ببكرا والروح الايجابية ببرامجنا التلفزيونية،بس نحنا بشر وعم نمرق بشي متل الكذب وعم نشوف ونتعاطى كل يوم مع كابوس،منقوى يوم ومنصعف أيام. ممنوع الشعب اللبناني يجوع،ممنوع الشعب اللبناني ينذلّ ممنوع الشعب اللبناني يندق بجنى عمرو وشقى غربته!مش عيب تكون فقير متوسط،مقتدر،غني،مغترب،بس ممنوع حدا ينذل بقى! نحنا صامدون وما عشنا غيرا وكبرت فينا كل هالعمر واتربينا عالمساندة والمساعدة والتكاتف وقادرين وجاهزين نصمد أكتر،بس اليوم عم ينقضا عالكل ضربة وحدة،عم يندعس عكرامة وعنفوان وعزة نفس اللبناني وإرادته للحياة والصمود ضربة وحدة،كلكن مين ما كنتو،عم تذلّو المحتاج لانو فقير وبلاشغل وعم تذلّو المقتدر لان حاجزينلو مالو وحارمينو يساعد حالو ويساعد خيّو الانسان. عم نصرّخ لبعضنا، اللبناني المقيم واللبناني المغترب وتنيناتن مقهورين ومظلومين بسببكن،وعم تحولو اللبناني داخل وخارج بلده لعاجز عن فعل أي شي! ممنوع كل هالقهر والظلم والسرقة والجوع والوجع.. ممنوع الشعب اللبناني يجوع،ممنوع الشعب اللبناني ينذلّ أكتر من هيك،ممنوع الشعب اللبناني يندق بجنى عمره وشقى غربته.. ممنوع ! حق الأوادم مش للذل..

Watch Again

Share

عن admin

شاهد أيضاً

حفل الجمال الدّولي Miss Tourism Universe 2020 يتوّج مجموعة مميزة من الملكات لهذا العام

حفل الجمال الدّولي Miss Tourism Universe 2020 يتوّج مجموعة مميزة من الملكات لهذا العام للسنة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *